Hér myndband þar sem ég kynni eitt verka minna á sýningunni Marglitur mars, sem er á vegum einhverfu samtakana núna um helgina.
Hérna er svo upprunalega myndin sem ég tók.
Þegar ég finn mynd sem mig langar að vinna bútasaumsverk úr þá vinn ég myndina i Illustrator, ég breyti henni í vektor mynd svo að ég geti stækkað hana og fækka litunum til að auðvelda mér að velja liti og efni. Síðan set ég upp grid sem ég nota þegar ég er að gera mosaic bútana sem ég sauma svo saman í heilt verk.
Svo bara byrja ég einhverstaðar, einn kassa í einu.
Þarna sjást efni sem ég lét prenta fyrir mig með myndum úr náttúrunni sem ég tók sjálf.
Hérna sést svo myndin við hliðina á myndinni sem ég prentaði út og notaði til sem munstur.
Í þessu tilviki var ég ekki alveg nógu ánægð með höfuðið og ákvað að skoða það aðeins betur. Efri myndirnar eru með mismunandi breytingum, neðri myndin til vinstri er eins og verkið var eftir fyrstu tilraun og til hægri við hana er munstrið. Svona tek ég stundum myndir og nota til að bera saman til að meta hvað ég þarf að gera til að laga verkið.
Svo geng ég frá verkinu eins og venjulegu bútasaumsteppi og set rauf aftan á það til að það sé hægt að hengja það upp.
